[தமிழாக்கம்: இந்தியாவிலேயே தனித்தன்மை கொண்ட, இசை ஒழுங்கு, செய்யுள் இலக்கணம், அணி இலக்கணம், சொற்பொருள் நயம் மிக்க மொழி ஆளுமை கொண்ட தனித்த தற்சார்பு மிக்க உயர்தர இலக்கிய வடிவத்தை தமிழ்க் கலாச்சாரம் மட்டுமே படைத்துள்ளது].

[தமிழாக்கம்: தமிழுக்கும் மற்ற திராவிட இலக்கிய மொழிகளுக்கும் ஒரு முக்கிய வேறுபாடு உண்டு: தமிழ் மொழியின் உள்ளீடுகள் என்றைக்கும் தமிழாக மட்டுமே இருந்திருக்கிறது; சமஸ்கிருதம் அல்ல].

[தமிழாக்கம்: பெரும்பான்மையான இந்திய மொழிகளின் நுட்பமான மொழியியல் உள்ளீட்டுக் கூறுகள் சமஸ்கிருதம்; ஆனால் தமிழின் மொழியியல் உள்ளீட்டுக் கூறுகள் அடர்ந்த தூய தமிழே].

[தமிழாக்கம்: உயர்தர இலக்கியப் படைப்பும், அடர்த்தியான மெருகூட்டப்பட்ட மொழியியல் கட்டமைப்பும் கொண்ட மிகச்சிறந்த இலக்கண விளக்க நூல் தொல்காப்பியம். தொல்காப்பியம், இந்தியாவின் ஆகச்சிறந்த மனித அறிவாற்றல் சாதனைகளுள் ஒன்று].

[தமிழாக்கம்: தமிழின் மூத்த இலக்கியங்களிலேயே ஆரியத்தின் சுவடுகளைக் காணமுடிகிறது; அதுபோல், மிக மூத்த ஆரிய இலக்கியமான ரிக் வேத பாடல்களில் கூட திராவிட மொழியின் (தமிழின்) சுவடுகள் தெரிகிறது. இதுவும் இன்று மறுக்க முடியாத உண்மை].

[தமிழாக்கம்: தமிழ்க் கலாச்சாரப் பாரம்பரியம் தற்சார்பு கொண்டது, எதனுடைய தொடர்ச்சியும் இல்லை, எதனுடைய நகலும் இல்லை, சமஸ்கிருதத்திற்கும் முந்தயது. அதன்படிப் பார்த்தால் தமிழ் மட்டுமே இந்தியாவின் மற்ற மொழிகளிலிருந்தும் மற்ற இலக்கியங்களிலிருந்தும் முற்றும் தனித்தன்மையுடன் வேறுபட்டு நிற்கிறது].

[தமிழாக்கம்: இந்திய இலக்கியங்களில் தமிழ் இலக்கியம் மட்டுமே அதன் தோற்றத்தின் பொழுதும் முதல் பெரும் எழுச்சியிலும் உச்சத்திலும் ஆரியத்தின் குறிப்பாக சமஸ்கிருதத்தின் தாக்கம் ஏதுமின்றி முற்றிலும் தனித்துக் காணப்படுகிறது].

[தமிழாக்கம்: இந்திய இலக்கியங்களில் பழமைக்குப் பழமையாகவும் புதுமைக்குப் புதுமையாகவும் நிற்கும் ஒரே இலக்கியம் தமிழ் இலக்கியம் மட்டுமே. பழமையில் சமஸ்கிருத இலக்கியங்களுக்கு ஈடாக நின்று; பண்டைய கிரேக்க இலக்கியங்களைப் போன்று உலகில் மிகச் செம்மையான உயர்தர இலக்கியங்களைக் கொண்டு தொடர்ந்து இன்றைய காலத்திலும் புதிய படைப்புகளுடன் வலிமையும் இளமையுமாக வாழ்ந்துகொண்டிருக்கிறது].

 [தமிழாக்கம்: தமிழ், இந்தியாவின் இரண்டு செம்மொழிகளில் ஒன்று, இனங்காணும்படியான தொன்மையின் தொடர்ச்சியாக நிகழ்காலத்திலும் உயிர்ப்புடன் இயங்கும் ஒரே இந்திய மொழி].

[தமிழாக்கம்: சங்கத்தமிழ்ப் பாடல்கள் உலகின் மிகச்சிறந்தவை; நடைமுறை வாழ்வியலில் இயற்கைக்கு மீறிய செயல்களின் குறுக்கீடு பற்றிய குறிப்புகள் ஏதும் இல்லாதவை].

[தமிழாக்கம்: சங்க இலக்கியத்தின் அகப்பாடல் வகை, பகிர இயலாத தனிப்பட்ட அக வாழ்வின் பதிவு. இவை, மெல்லிய அந்தரங்க காதல் பாடல்கள்; பெயர் அறியப்படாத மாந்தர்களால் கற்பனைக்கு எட்டாத தரத்தில், இலக்கிய உலகில் இயற்றப்பட்ட மிகச் சிறந்த காதல் பாடல்கள் சிலவற்றை உள்ளடக்கியது. இப்பாடல்களின் கருத்துப்படிவம் சமஸ்கிருதத்தின் காமசூத்திரத்தை விட அகலமும் ஆழமும் கொண்டிருப்பது உறுதி].

[தமிழாக்கம்: சங்கப்பாடல்கள் செம்மையானவை; காலத்தால் மிகவும் முற்பட்ட தொன்மை கொண்டவை; காலம் கடந்து நிலைத்து நின்று ஒரு பெரும் இலக்கிய பாரம்பரியத்தின் அடித்தளமாக இருப்பவை. இது பற்றித் தெரியாதிருப்பது இந்திய கலாச்சாரத்தின் தனித்தன்மை கொண்ட ஒரு பெரும் இலக்கிய சாதனையை அறியாதிருப்பதாகும்].

 [தமிழாக்கம்: சங்கப்பாடல்கள் தமிழர்களின் பேரறிவாற்றலின் மூத்த சான்று மட்டுமல்ல; தமிழர்கள், இதன் பிறகான தங்களது 2000 ஆண்டு கால இலக்கிய முயற்சியில் இதனைக் காட்டிலும் ஒன்றை படைக்க முடியாததே இதன் சிறப்பு].

[தமிழாக்கம்: சங்கப் பாடல்களில் புலவரின் மொழி தமிழ் மட்டுமல்ல; நிலப்பரப்பு, மாந்தர்கள், மன உணர்வுகள் என அனைத்தும் மொழிக்குள் இன்னொரு மொழியாக விளங்குகிறது].